أخواني منسوبي ورواد هذا الصرح الشامخ يشرفني أن أضع بين يديكم هذه
المحــاوره بــيــن الــشاعــر صــاحـب الســمو الامــير خــالد بن سعود الكــبير
والــشـــاعــر تركي عطا الله الميزاني المطيري
تركي:
سلام الله سلام (ن) للعلوم الطيبـه عنـوان
واعرف معزبه والظيف في حكمة معازيبـه
وانا لي صاحب (ن)ماينطق الكلمه بلا برهان
ابا اسولف معه والعلم يدريبه وانـا ادريبـه
خالد بن سعود الكبير:
الا يامرحبا واهلا بقلطة شاعر المطران
تراحيب (ن)لها بالصدر تشريقه وتغريبه
وانا ياصاحبي ماني بمثلك لشعر ميزان
ترفقبي ترى توي غشيم وداخلي ريبـه
تركي:
يدوم لك البقا والطير مايكفخ بـلا جنحـانوانا خابرك صقر وكل صقر(ن)له مخاليبه
سبحنا في البحور الي تضم اللولو والمرجانواخذنا مانبي والوقت ماتصفـى مشاريبـه
خالد بن سعود الكبير:
صحيح الوقت مايصفى وتعكير الزمان الوان
واشوف الخايبه تعجب وهذي والله مصيبـه
غدى عند الهزيله شان والجزله ثمنهـا هـان
وسف الكذب والتهريج اشوف الناس تغزي به
تركي:
اشوف اللي تشوفه طال عمرك يالله الغفران
واشوف الناس قامت تبتسم بسنون تركيبـه
لو ان اللي بنى البيت المسمى ثبت العمدان
ماشفنا الريح تلعب بين ذرياتـه واطانيبـه
خالد بن سعود الكبير:
يا كيف الحل والحاله سفينـه مالهـا ربـانيمشيها الهوى من حيـث ماهبـت دواليبـه
عربها ترقص وتزف على حس الوتر و الدانيحسبون المعاني صولها من جاب له خيبـه
تركي:
اظن الحل نتركها تهيـم بغبـة النسيـانعسها من نصيب القيض لا هبت ملاهيبه
لو ان النابغة مخطي ماعود بالرضى حسانويكفينا رضى حسان والوقـت وتجاريبـه
خالد بن سعود الكبير:
انا خابرك ميزانـي وربعـك كلهـم شجعـان
علامك عرَ ض لـك هدفهـا ماتضحـى بـه
ترى صمتك عن الغاوي وتصديدك عن الخوان
عذاب(ن)للضمير الحي ولا في هرجتك غيبـه
تركي:
انا مثلت فيك القاف مامثلت فيـه فـلان
وطبعي كل مقفي ملحقه واشذب عراقيبه
نبي نبعد عن المنقود والمشروه مهما كان
ولا نفرح على المسلم اذا كثرة عذاريبه
خالد بن سعود الكبير:
اجل بنشدك عن فيل(ن)يحب مغازل النسوان
تضيق ابه الاماكن والمداخل مـن لغابيبـه
يقول إلهن انا الساحر وانا الباهر وانا الفنان
وهو ياكل شنق غيره وكل (ن)داري بعيبـه
تركي:
سمعت انه على كبره يحس بعقدة النقصـان
مجند له رعـاة تمدحـه وتقـول ياطيبـه
لكن الفيل يبقى فيل يوم أن الحصان احصان
وضلع طويق ماكل(ن)يبي المرقى يعدي به
خالد بن سعود الكبير:
مابين ممسح الريضان وبين ملهي الرعيـان
غدى ما للجزاله دور ولا لاهل السنع هيبـه
الا يال الزمان الشين الا يال ضيعة الوجـدان
نزل في سوق ابن قاسم وكل(ن)قال كم هي به
تركي:
من اول كنت يا هداج تيما تروي الضميـان
لكن اليـوم جمـك مانذوقـه مـن غثاريبـه
لابد الوقت يكشف من هو الرابح من الخسران
وكل(ن)يلتبس له ثوب في قـده يصلـي بـه
خالد بن سعود الكبير:
<U>انا يعجبني الشاعر قوي الحبك والبنيان
إلى منه بنى بيتـه يشوقـك فـن تقطيبـه
اجاذبه العلوم اللي تونـس والخفـا مابـان
مثل تركي عساه يفوز بالمليون ويجيبه
منقول من جريدة الرياضيه
عدد 7097 تاريخ 6-3-2007
الرئيسية 
أحدث الصور 
